الرئيسية
طفلٍ يلاعب خافقي كالمراجيــــح....يرميه حد القـاع ثم يرفعه فوق
وما بين دينه يصرخ بحيل ويصيح....يكفي تمرجحني ترى ظامني الشوق
ارحم عذابي بت انا سابق الريح ..وجف الدمع( يا بايع الود) بالموق
طفّيت بعدك نور كل المصـــابيح...وسهرت مــع بلواي والهم وعبـــوق
وحواس تنزف بعد صدّك مجـــاريح..وما بيننا باتت مسافـــــات وفروق
معسول هرجك باق كل المفاتـيح...وسلمتك غروب المضاميــن وشــــروق
أبســــألك يللي تدوّر مرابيح...هو قلب ولفك سلعةٍ ما لها ســــوق؟
ولاّانت ما تدري الهوى والتناويح...ولاّ لقيت الــــود بغير طـــاروق
أدري غلاي حداك صفى على الزيح.....وال ما يشوف من الغرابيل به عوق
لاتذرفن يا هيه دمع التماسيح.....القلب ما عمره تعوّد على الطـــوق
