الرئيسية
واليوم جبتلكم أكلة الملوخية
او متل ما بيسموها جدودنا الملوكية لأنها بجد أكلة ملوكية
والملوخية بتصير بالدجاج أو اللحم
في ناس بتملها ها ناشفة شوي يعني مناكلها بالخبز وفي ناس بيحبوها مع رز فبيخلوا المرق تبعها اكتر شوي
وبسم الله نبدأ أولا بالمقادير:
كيلوا ملوخية تقريبا طبعا منظفة ومغسولة ومنشفة
بعدين دجاجة كاملة منظفة منيح بالليمون والطحينة ومغسولة
منحطلها ليمون وملعقة طحينة و منفركها فيها بتروح كل الزفرة والريحة
بعدين منسلقها من المطيبات لومي-وفلفل حب وقرنفل-وورق غار وهيل وبصلة صغيرة
وبعدين منفتتها ومننزع عنها الجلد-
وراسين ثوم او اكثر حسب الرغبة
في ناس بتعمل راس مهروس وراس بتركوا حب وملح وبهار ومكعب ماجي
طريقة التحضير:
اول شي وأهم شي انو ندبل الملوخية بطنجرة مع شوية سمنة
ومنضل نقلب ونقلب ونقلب لحتى يدبلوا يعني ع شوي رح يستوا من التقليب طبعا
ومشان ما تلزق الملوخية منبخها شوي مي كل شوي
بعد ماتدبل- منحط بطنجرة تانية سمن ومنقلب الثوم الحب والمدقوق
ومنحط الملح ومكعب الماجي والبهار وبعد مانقلبهن منزيد الدجاج المسلوق والمفتت
ومنقلب حتى تاخد كل المقادير من بعضها
بعدين من زيد عليهن الملوخية ومنقلب ومنحط اليمون المعصورة
وهي مهمة مشان الملوخية ما تعمل خيطان وقت السكب
وبس منتركها حوالي نصف ساعة او اكتر شوي مع التقليب المستمر
وإضافة الماء كل ما نشفت يعني مو تكبوا مي وتتركوا الطنجرة وتروحوا
وتقدم مع ليمون ومخلل و يطبخ جنبها الرز
و عوااااااااافي
