الرئيسية
مرة واحد سمع عن الشام وقرر يزورها
وبعد ماوصل بلش يتفتل فيها
وهو بالطريق فات بوحده من حارات الشام القديمة
هذا من كتر ما مشي حس بالعطش
فكر انو يدق باب شي بيت بيطلب منهم يسقوه
بس بينو وبين حالو كان عما يفكر و يقول
والله بيحكو عن أهل الشام انو بخلاء وأكيد ما حدا رح يسقيني
المهم بعد حوار طويل مع نفسو قرر انو يدق على واحد من البواب
د ق الباب فتحتلو وحده بتشبه (فريال حماتو لعصام)
قلتلو خير يا أخي شو بدك جايينا بطقة الشوب ؟؟؟؟؟؟؟؟؟؟
قلها الله يوفقك أنا غريب عن الشام وعطشت
ودقيت عليكم الباب وقلت بلكي بتسقوني
قالتلو إي ولو مو تكرم عينك والله فاتت على البيت
وجابتلو زبدية لبن باردة
هذا أخونا ما صدق على حالو حط الزبدية على تمو
وبدي يغب بهاللبن يغب لحتى خلص اللبنات
قلها يسلمو إيديكي بس بصراحة ما كنت متوقع انو تسقيني
قالتلو:
أوف ليش بقا؟.
قلها لأنو بيحكو إنو إنتو بُخلا
قلتلو ولا يهمك بس هدول اللبنات جابون جوزي من شي جمعه
وسلتت فيهم فاره قلت لحالي منسقيك إياهم أحسن ما نكبهن
هدا لما سمع هيك من قهرو طبش الزبديه الارض
قلتلو وليــي عليك شو ما فيك خير!..
فوق ما سقيناك لبن
بتكسر النونيه تبع الولد ؟؟؟؟؟
