الرئيسية
الاستحمار أحد الفنون المستخدمة بشكل كبير في أيامنا الحاضرة
وهو من الفنون التي لا تحتاج إلى مهارات خاصة سوى مهارة الغباء
وفي ما يلي بعض الأمثلة عن حالات الاستحمار :
واحد ما بطيقك و بيحكي عليك وين ما راح ولما بشوفك بيبتسملك وبيقلك.... اشتقنالك ولو وين هالغيبة ( مستحمرك )
...................................
مسؤول غابب خيرات الله وناصب على نص البلد و قايم فازز على حيلو ....بدو يكافح الفساد ( مستحمر الشعب كلو ) .....
كافح سيدي كافح
............................................
صبية كوول كتير ماعطة خلقتا ولابسة كتير كلاس و عم تتفتل بنص الشارع رايحة راجعة ... بس كتير متضايقة من تطليعات
الشباب ( ولي على عيونهن هالشباب شو قليلين حيا ) .... ( هي مستحمرة حالها )
.................................................
ممثلة ( مطربة ) من جماعة (الواو والواوا اح ....الله يطول بعمرهم )) عاملة فيلم ( كليب ) إباحي ألا شوي.. ولما
بتسألها عن البلاوي الزرقا يلي بالفيلم ( بالكليب ) بتقلك ...
ضرورة درامية هيك بدو المخرج وهيه كتير بروفيشنال ماببدخل ........( مستحمرة الفن والفنانين )
.................................................
واحد انت اكبر قدر بهيم...ما بيفهم الخمسة والطمسة...بيجي بقلك انا عملت..وانا ساويت...ورحت واجيت....وبيعملك
حالو ابو العريف...رجال بنطلون يعني...بس وين بتكون المشكلة...المشكلة انو هو مصدق نفسو..
اي هادا بلا مؤاخذة عم يستحمر حالو..)
..................................................
وحدة بتجي احلا من القرد بشوي....واكلة ضربة مقلاية على وشها..بتقلك...فلان لطشني...وفلان ميت على كلمة مني وميت
بدباديبي...وفلان الفلاني ابن فلان العلتاني هلكني ووهو واقف تحت بيتي وعلى تشفيط بالسيارة البي ام دبليو...(مسكينة
حمرت وجنتيها وهي عم تحكي...احمر من هيك ما عاد صفي)
شو رأيكم بالاستحمااااااااار انتو اكبر قدر
