الرئيسية
كوميديا الإنسان الضائع
سليم رجل لا يعرف الاتجاهات الاربعه , لا يعرف في الدنيا شيء سوى عمله وبيته وأقصى ما يعرفه هو اذا سألته من نبيك قال محمد صلى الله عليه وسلم , اما لو سألته من هم الخلفاء الراشدين قال فتحي ابو طالب , عبد الهادي المجالي , عبد المنعم الرفاعي , معلوماته عن الدنيا شيء كانك تحدثه عن علم الذره , لا يحب الركوب بالسياره او الحافله فيذهب الى العمل سيرا على الاقدام , اذا ما سألته عن حياته يقول والله عايشين مبسوطين , سمعت عن هذا الرجل كثيرا ولم أشاهده قبلا ولم اصدق ما يقال عنه , هل فعلا يوجد شخص مثل سليم في القرن الواحد والعشرين قرن التكنيلوجيا وعصر الاقمار الصناعية , سنحت لي الفرصه للتعرف على هذا الإنسان الغريب ,سألته كيف حالك يا سليم ؟ قال منيح شغال ومرات بنوقف ومرات بنشتغل بالدفش ومرات بتخلص البطريه وبصير بدها شحن وبعض الإحيان الرقبه بتكون ملووحه وبلزمها عيارات ومساج ولازم زيت زيتون او زيت سمسم سمنه ما بتنفع ولا تستخدم زبده ترى بتلبط على الرقبه وبتصير تزاقي مثل الباب الخربان لازم تجيب واحد بشتغل بالحديد يزبطه ولا بعدين طول الليل بضل يزعق تزعيق , وهو هو خذ يا صفير طول الليل تقول البرق بلش من اول والمربعنيه بردها شديد بقص المسمار وابدا ما تستخدم شاكوش والله يا ويلك لو انطعج المسمار كيف بدك تدقه وخصوصا هالايام الخشب مضروب ومرطب تقول كاين منقوع بالكاز ولا الغاز هو احنا بنقدر نولع غاز لا حبيبي احنا بنطبخ على البابور وقبل يومين رحت على مصلح البوابير لقيته صاير سباك قال ما ضل حد يركب على الحمير فليش بده يعمل سراج الحمد لله الكهربا موجوده بس انا ما بستخدمها بخاف اتكهرب قبل عشر اسابيع ولا ما بعرف سنه كنت بدي اضوي الضو كبست على المسجل وسمعتلك خبر بالراديو بقول اليهود حبايبنا واخوانا اه عادي وليش لاء مش هم جيرانا والاصدقائنا ها يا عمي , ولا الملخيه بطلت مثل الاول كانت مثل الريحان بس والله هاليومين صارت تذبل مثل الورده النعسانه والنحله بطلت تعمل العسل قال ليش الماتور تبعها تعطل والسكر غليان , والشاي بطل ينزرع بالأغوار صاروا يزرعوا بداله الحصرم قال بحبوه الوحامات كثير وانا قلولك شو دخلني بالحوامات ولا الطيارات اصلا انا مابركب السيارات تاركب الطيارات , أخ ولا شو اقلك عن البطيخ مبارحتين قبل شهر اشتريت شمامه ولما فتحناها الحمد لله النجار شاطر والله الدرف احسن من هيك ما في , بس ولا يهمك بعرف واحد بالشرطه جندي ثاني بمون على كل الناس وبحبسهم ,بياع القهوه بالشغل معاه دفتر بسجل الديون بطلع على الواحد بريزه لما يركب بالباص وانا شو مدخلني بالباصات والسيارات , برمضان بتسحر العصريات وبنام لما ياذن الظهر بقوم اتوضا واصلي العشا وبعدين بحط راسي وبنام أي ما بحب اوجع راسي لا بأخبار ولا بمسرحيات علشان هيك دايما الأولاد بطلبوا اجيبلهم راديو صغير قال بدهم يتثقفوا بس اقلك والله ما بستهويني لعب الشده مره وحده لعبتها بحياتي على القهوة بس شو كانت ليله الله يبعدها عنك تقول مثل الجمل كلب اسنانه نص متر ويلحقنا الشرطي علشان كسرنا الضو بالشارع , هو يركض واحنا نركض قام الأستاذ رسبنا بالصف الخامس علشان الامتحانات كانت بتجنن وعيونها كثير بجننو لما كنا نحلبها اقل شي تعطينا رطل حليب , بس ابوي ذبحها علشان كانت تتاخر لما تخبز الخبزات وابوي ينادي وينادي وهي عامله حالها مو سامعه عن جد , الدكنجيه هالايام بتغلي كل شي , حتى الدخان الهيشي صاروا يعملوه سكايب سكايب ويزرعوا البطاطا بالشوالات , هون انا وقفت وحسيت راسي بلف لف وبطلت اعرف الاتجاهات وصرت اقول مبارح العصر بالليل لما طلعت على الوادي لقينا جيش يا كثره خمس زلام وولد زغير رايحين على المزرعه حاملين معهم رغيف خبز اكبر من السياره واصغر من الباص شو بسموه مش متذكر , وغفيت وبعد اسبوع صحيت مش عارف وين واقف على الارض ولا على الميه وتاهت فينا التوهه وصرنا مثل الانسان الضايع .
وربكم يكون بالعون والكل يحمل بالون والسلام عليكم يا قوم .
سليم رجل لا يعرف الاتجاهات الاربعه , لا يعرف في الدنيا شيء سوى عمله وبيته وأقصى ما يعرفه هو اذا سألته من نبيك قال محمد صلى الله عليه وسلم , اما لو سألته من هم الخلفاء الراشدين قال فتحي ابو طالب , عبد الهادي المجالي , عبد المنعم الرفاعي , معلوماته عن الدنيا شيء كانك تحدثه عن علم الذره , لا يحب الركوب بالسياره او الحافله فيذهب الى العمل سيرا على الاقدام , اذا ما سألته عن حياته يقول والله عايشين مبسوطين , سمعت عن هذا الرجل كثيرا ولم أشاهده قبلا ولم اصدق ما يقال عنه , هل فعلا يوجد شخص مثل سليم في القرن الواحد والعشرين قرن التكنيلوجيا وعصر الاقمار الصناعية , سنحت لي الفرصه للتعرف على هذا الإنسان الغريب ,سألته كيف حالك يا سليم ؟ قال منيح شغال ومرات بنوقف ومرات بنشتغل بالدفش ومرات بتخلص البطريه وبصير بدها شحن وبعض الإحيان الرقبه بتكون ملووحه وبلزمها عيارات ومساج ولازم زيت زيتون او زيت سمسم سمنه ما بتنفع ولا تستخدم زبده ترى بتلبط على الرقبه وبتصير تزاقي مثل الباب الخربان لازم تجيب واحد بشتغل بالحديد يزبطه ولا بعدين طول الليل بضل يزعق تزعيق , وهو هو خذ يا صفير طول الليل تقول البرق بلش من اول والمربعنيه بردها شديد بقص المسمار وابدا ما تستخدم شاكوش والله يا ويلك لو انطعج المسمار كيف بدك تدقه وخصوصا هالايام الخشب مضروب ومرطب تقول كاين منقوع بالكاز ولا الغاز هو احنا بنقدر نولع غاز لا حبيبي احنا بنطبخ على البابور وقبل يومين رحت على مصلح البوابير لقيته صاير سباك قال ما ضل حد يركب على الحمير فليش بده يعمل سراج الحمد لله الكهربا موجوده بس انا ما بستخدمها بخاف اتكهرب قبل عشر اسابيع ولا ما بعرف سنه كنت بدي اضوي الضو كبست على المسجل وسمعتلك خبر بالراديو بقول اليهود حبايبنا واخوانا اه عادي وليش لاء مش هم جيرانا والاصدقائنا ها يا عمي , ولا الملخيه بطلت مثل الاول كانت مثل الريحان بس والله هاليومين صارت تذبل مثل الورده النعسانه والنحله بطلت تعمل العسل قال ليش الماتور تبعها تعطل والسكر غليان , والشاي بطل ينزرع بالأغوار صاروا يزرعوا بداله الحصرم قال بحبوه الوحامات كثير وانا قلولك شو دخلني بالحوامات ولا الطيارات اصلا انا مابركب السيارات تاركب الطيارات , أخ ولا شو اقلك عن البطيخ مبارحتين قبل شهر اشتريت شمامه ولما فتحناها الحمد لله النجار شاطر والله الدرف احسن من هيك ما في , بس ولا يهمك بعرف واحد بالشرطه جندي ثاني بمون على كل الناس وبحبسهم ,بياع القهوه بالشغل معاه دفتر بسجل الديون بطلع على الواحد بريزه لما يركب بالباص وانا شو مدخلني بالباصات والسيارات , برمضان بتسحر العصريات وبنام لما ياذن الظهر بقوم اتوضا واصلي العشا وبعدين بحط راسي وبنام أي ما بحب اوجع راسي لا بأخبار ولا بمسرحيات علشان هيك دايما الأولاد بطلبوا اجيبلهم راديو صغير قال بدهم يتثقفوا بس اقلك والله ما بستهويني لعب الشده مره وحده لعبتها بحياتي على القهوة بس شو كانت ليله الله يبعدها عنك تقول مثل الجمل كلب اسنانه نص متر ويلحقنا الشرطي علشان كسرنا الضو بالشارع , هو يركض واحنا نركض قام الأستاذ رسبنا بالصف الخامس علشان الامتحانات كانت بتجنن وعيونها كثير بجننو لما كنا نحلبها اقل شي تعطينا رطل حليب , بس ابوي ذبحها علشان كانت تتاخر لما تخبز الخبزات وابوي ينادي وينادي وهي عامله حالها مو سامعه عن جد , الدكنجيه هالايام بتغلي كل شي , حتى الدخان الهيشي صاروا يعملوه سكايب سكايب ويزرعوا البطاطا بالشوالات , هون انا وقفت وحسيت راسي بلف لف وبطلت اعرف الاتجاهات وصرت اقول مبارح العصر بالليل لما طلعت على الوادي لقينا جيش يا كثره خمس زلام وولد زغير رايحين على المزرعه حاملين معهم رغيف خبز اكبر من السياره واصغر من الباص شو بسموه مش متذكر , وغفيت وبعد اسبوع صحيت مش عارف وين واقف على الارض ولا على الميه وتاهت فينا التوهه وصرنا مثل الانسان الضايع .
وربكم يكون بالعون والكل يحمل بالون والسلام عليكم يا قوم .
