الرئيسية
صباحك مختلف ياذا الصباح اللي صباحك غير
صباحك غيم..يامحلا صباحك وريحة ازهارك
احبك يالصباح اللي ..تذكرني بها تذكير
تذكرني بها باول ..بداياتك ..ومشوارك
صباح الخير قبل الناس قبل يصحى البشر والطير
صباح الورد والجوري..صباح الحب ..لازارك
صباح الورد يا أحلى عبيره ..ياصباح الخير
صباح يشبه عيونك ..ونوره يشبه انوارك
قصيدي فيك ياكل الغلا والحب والتقدير
نعم ..يا..سر حبي..يوم حبي صادق اسرارك
ارتب لك حكي واجمع حروفي والكلام كثير
وصدى صوتك..يشتتني..واحاول اجمع افكارك
اضيع..اضيع..لامني سمعتك ..والكلام يطير
والاضاعت علومي ..قلت وش هي اخر اخبارك
انا ياحبي.. الظاهر.. عجزت وخانني التعبير
بقى ..لي..حبك الطاهر وبقى..عزك ومقدارك
اصور كيف اصور ..مايكفي الوصف والتصوير
مدام..الشوق دايم ..كل صبح تشعله ..نارك
ترى ..ما للغلا..فيني سبب واحد..ولاتفسير
سوى..ان القلب ..معطيك الغلا ..والحب واختارك
ومدامك.. ياالصباح اللي تذكرني بها ..تذكير
فذكرني ..بها ..باول بداياتك ..ومشوارك
