الرئيسية
احبك من هنا لاخر محطـات الغـلا لهنـاك
أحبك كثر ما يهوى رضيع الصدر غفوآتـه
احبك يابعد كـل الحـروف وعلّهـا تفـداك
أحبك يابعد بيـت القصيـد وكـل غايآتـه
أحبك يابعد قلبٍ نزف كـل الغـلا لرضـاك
أحبك يابعد كـل العيـون ونـزف دمعآتـه
أحبك كثر ماتبرى جـروحٍ لامسـة يمنـاك
أحبك كثر ما يلجـا فقيـر الحـال لسكآتـه
أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتـه
أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طيآتـه
أنا لو قلت لك ببعد وابرحل وانتحي وانساك
لسانـي!! واعرفـه لازّل ياشيّنـه بزلاّتـه
تعال وداوني ,,واللي خلقني يالدواء بشفـاك
يقولون الجمر طب المريـض بحـر كيآتـه
أنا والليالي وابيات القصايد فـي امـل لقيـاك
اقول الشعر والليل الحزيـن يعـدّ نجمآتـه
نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفآتـه
أماني عاشت بصدري اغاني داخلي تهـواك
تموت ان غبت وان رديت عاش الليل وابيآته
دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجآتـه
دخيل الجمر والسكردخيل البلسـم! الفتّـاك
دخيل اللي تثنّـى ليـن عذبنـي برقصآتـه
أمانه ترحم اللي شاف منّك صدتـك وجفـاك
دخيلك تدمـح الزلـه وغلطآتـه وهفوآتـه
أحبك من هنا لاخر هنا لاخـر هنـا لهنـاك
احبك لعنبو حي الرضيـع وحلـو غفوآتـه
