الرئيسية
العمر لحظه وانته العمر كله
كل ماوصلت لآخرك ابتدي فيك
والليل حالك بس قربك يفله
شمس الضحى ياغاية الروح تفديك
أغليك واقرى مابقى بالسجلّه
صفحات عمري كلها بين أياديك
غيم المحبه والوفا لك أهلّه
هتان غيثه طول الايام يسقيك
يا واحدن قربك أبد ما امله
وش هو أملّك الا أنا فدوتك عنيك
طيفك ملا كل الاماكن ودلّه
وهمس المشاعر نغمة بين أشافيك
منساك كود الورد ينسى محلّه
والورد يقطف من بساتين خديك
يا باهي بالزين دقه وجله
يافارق بالوصف باللي حواليك
إن كان مالي في مشاعرك شله
ولا لي امل في قربك وفي معاليك
تذكار,, خذ هالقلب عندك وخلّه
هدية من واحدن دووووم شاريك
