برمة خصرك موزونة

برمة خصرك موزونة بلفة بيكـــار

منها بيجن جنوني وبنظم أشعــــار


الورد المستنظر غمرة

من عام مقطوف

وباقي الجمرة عالجمرة

وقلبي ملهوف

عيار الخمرة ياسمرة

بيبقى معروف

وإنتي ببسماتك خمرة

وإلها خمار

.....................................

عا شفافك موج ومينا

وشط وطوفان

من شهدك مابتسقينا

ياغصن البان

حاكينا و لا تجافينا

منبقى خلان

لحظ عيونك كاوينا

وسهمك بتار

.,.,.,,.,.,.,

شو شيطانة يا سمرة

بتحبي العي

اسقيتينا كاس المرة

وما قلتي خطي

وشفافك كتر الخمرة

ريقا مش مي

شبه جهنم الحمرا

بتكوي الشعار

.,.,,.,.,..,..,

جابتلي معها رفيقة

قدا بالقد

مدري الشغلة تنفيقة

مدري عن جد

وقفوا يتحاكوا دقيقة

الخد علا الخد

فكرون عملوا تمريقة

عاولاد الكار

,,,,’,...
و برمة خصرك موزونة بلفة بيكـــار

ومن كحلة ريف عيونك غار السيشوار

تراثنا مليئ بالقصائد والأشعار والأهازيج والأغاني التراثية الجميلة ,, ونحن نعتز ونفتخر بهذا التراث ,,,
شكرا لكم وجعل الله أيامكم فرح وسعادة

ابدعت اخ فيصل ماكتبته اروع من رائع تسلم هالملافظ