رسالة من السويداء

.ExternalClass .ecxhmmessage P
{padding:0px;}
.ExternalClass body.ecxhmmessage
{font-size:10pt;font-family:Tahoma;}








ابني الغالي

كيفك يا تقبر قلبي
اذا استلمت ها الرسالي ... يعني أنها وصلتك ... واذا ما استلمتهاش ...خبرني ياما يا قباري
..... حتى أبعثلك غيرا .

عب اكتبلك ها الرسالي ياما شوي شوي ... لأني بعرفك ما بتعرفش تقرا بسرعة .

شو بخبرك ياما ..... قبل مدة انتقلنا ع بيت جديد �غير بيتنا القديم ... لأنو بيَيك الله يطول بعمرو قرا بالجريدي إنو الحوادث كلها عب تصير ع بعد ( 1 كم . ) عن البيت.

بس ياما بيتنا الجديد واسع وحلو كثير� وُ فيه غسالي... و أني يا تقبرني أبعرفلاش و مع هيك جربتها وحطيت فيها حطة بيَيك الجديدي ( اللي جبلو ياها خالك مزيد من اماركا) (سنة اللي زارنا و انت بعدك صغير) ، المهم ياما بعد ما حطيتها وسحبت الحبل اللي رافعينلي ياه لفوق هاذا أبعرفش ليش بلشت هالمي تدفق ، و معش لقيت حطة بييك .

يا تقبر إمك ..... بعثتلك طرد بريدي و حطيتلك فيه كشك من كشكات عمتك فيزة و كمان حطيتلك الجاكيت الجلد اللي طلبتو.....بس خالك الله يوفقو نصحني أنو شيل الأزرار المعدن منشان الوزن و أني شلتهن و رح تلاقيهن بجيبة الجاكيت.


قبل كم يوم فقعت قنينة الغاز بالمطبخ ...و كنت أني عب اطبخ و بييك الله يسامحو ياما كان ساعتا واقف حدي ...... و نطير يا ياما أني و بييك من هالشباك ..أبخبركش قديش انبسطنا وقتا ونحنا طايرين بالهو ا و عٌدنا أكلنا حواظر يومتها .....



وبدي طمنك ياما إنو عُدنا لقينا جثة جدك الله يرحمو بالخزاني كاين متخبي غاد من الشهر الماظي بس كنا عب نلعب طميمي...



نسيت قلك عن إختك اللي تجوزت سنة الماظي اليوم خلفَت بس بعدني ياما ما عرفتش إذا جابت صبي و لا بنت منشان هيك مش رح باركلك إسا لحتى نعرف إذا صرت خال و لا خالة . و إختك ياما و عدتني إنو إذا جابت بنت رح تسميها ع إسمي ياللا ..... الله يوفقها مع إني مش عارفي إذا بيسوا تعيط لبنتها (ياما) .


وخييك ياما( الله يصلحه) أخذنا مشوار أني و بيك بسيارتو الجديدي بس من كٌثر ما هوي أهوج ياما سكر السيارة و نسي المفاتيح جواتا ، واظطر إنو يرجع ع البيت ليجيب المفاتيح الإحتياط ، و أني و بيك اختنقنا بهالسيارة لحد ما رجع.



يللا ياما هلق بدك شي؟



سلم ع عمتك إذا شفتها .... وإذا ما شفتها ... لا تقلا شيء


ملاحظة: كنت ناوي حطلك 500 ليرة التي طلبتها بالرسالي بس للأسف سكرت الظرف ولزقتو قبل ما حطها. وبدي الفت نظرك إنو الـ 500 ليرة ... بتنكتب بصفرين ومش بثلاثة أصفار.

و إسا ... تقبر إمك يا سندي ..... بخاطرك ..



أمك الغالية

منقول من احد الاصدقاء

مشششششششششششششششششششششششششششششششششششششششششكورين

هههههههه دخلك هيي كاتبتا ولا حدا كاتبلا ياها هههههه

أيضا استعذرك بنقلها للنكت والطرائف

ههههههههههههههههههههههههههههههههههههههههههه

حلللللللللللللللللللللللللللوه